Skýringar

Niðurstöður byggja á skattframtölum einstaklinga. Framtalsskyldir eru allir 16 ára og eldri sem eru skattskyldir á Íslandi. Byggt er á öllum framteljendum að undanskildum eftirfarandi. Framteljendur sem eru með handreiknað framtal, fá áætlaðan skatt á viðkomandi tekjuári eða árinu á undan, létust á árinu eða eru búsettir erlendis samkvæmt þjóðskrá. Handreiknað framtal fá þeir framteljendur sem ekki hafa búið á Íslandi nema hluta úr viðkomandi tekjuári, hafa hér á landi skattalega heimilisfesti, hafa tekjur hér á landi án þess að hafa hér búsetu, eins ef breytingar hafa orðið á hjúskaparstöðu eða aðrar þær breytingar á högum sem kalla á sérstaka meðhöndlun skattframtalsins. Erlendis búsettur telst sá sem hefur búið fleiri en 30 daga erlendis.

Samhliða uppfærslu talnaefnis árið 2015 voru eldri tölur endurskoðaðar og bætt við útgáfu staðalfráviks, til að notendur fái betur áttað sig á undirliggjandi tekjudreifingu innan talnauppbrotsins.

Sveitarfélag

Sökum fjöldatakmarkana var Fjallahreppi og Snæfjallahreppi sleppt. Þeir eru þó meðtaldir í heildartölum.

Tekjur

Heildartekjur

Samtala atvinnutekna, fjármagnstekna og annarra tekna.

Atvinnutekjur

Launatekjur og aðrar starfstengdar tekjur, ökutækjastyrkur, dagpeningar og hlunnindi. Auk þess teljast reiknað endurgjald og tekjur erlendis, aðrar en fjármagnstekjur, til atvinnutekna.

Eining

Meðaltal - allir

Meðaltal allra framteljenda

Meðaltal - skilyrt

Meðaltal framteljenda sem hafa viðkomandi tekjur

Miðgildi - allir

Miðgildi allra framteljenda

Miðgildi - skilyrt

Miðgildi framteljenda sem hafa viðkomandi tekjur

Fjöldi - allir

Allir framteljendur

Fjöldi - skilyrtur

Framteljendur sem hafa viðkomandi tekjur

Staðalfrávik - allir

Staðalfrávik allra framteljenda

Staðalfrávik - skilyrt

Staðalfrávik framteljenda sem hafa viðkomandi tekjur