Staðgreiðsluskyldar launagreiðslur eftir atvinnugreinahópum - frá janúar 2008

Grunngögn byggja á stjórnsýsluskrá frá Skattinum, staðgreiðsluskrá, en þeir sem teljast launagreiðendur samkvæmt lögum um opinber gjöld nr. 45/1987 ber að skila mánaðarlega skilagrein með sundurliðuðum upplýsingum um hvern þann einstakling sem þeir greiða staðgreiðsluskylda greiðslu til Skattsins. Við úrvinnslu hefur Hagstofan auðgað gögn svo hægt sé að nýta þau til hagskýrslugerðar og bætt við bakgrunnsbreytum úr mannfjöldagögnum, svo sem kyn, aldur, búsetu og bagrunn. Um er að ræða bráðabirgðatölur og geta tölur breyst vegna síðbúinna skila eða leiðréttinga frá greiðendum staðgreiðsluskyldra launa. Það á einkum við um nýjustu mánuði talnaefnis þar sem tímanleiki birtinga er mikill.

Atvinnugreinahópur

Atvinnugreinahópur launagreiðanda er samkvæmt ÍSAT2008. Upplýsingar um aukaatvinnugreinar launagreiðanda í blönduðum rekstri liggja almennt ekki fyrir, en þó er reynt að nálga slíkt í þessu talnaefni. Til að nálgast önnur atvinnugreinanúmer hjá launagreiðendum sem eru með deildarskipta starfsemi (með fleiri en eitt atvinnugreinanúmer) eru atvinnugreinaupplýsingar bættar með öðrum heimildum ef þær upplýsingar liggja fyrir, einkum með launarannsókn, lögskráningargögnum og upplýsingum um starfsmenn í skólum. Ef engar heimildir eru til staðar um aukaatvinnugrein er notast við aðalatvinnugreinanúmer rekstrareiningar samkvæmt fyrirtækjaskrá Hagstofunnar.

Atvinnugreinahópur

Atvinnugreinin sjávarútvegur byggir á fyrirtækjum sem eru flokkuð í aðalatvinnugreinarnar fiskveiðar og fiskeldi (A:03) og fiskvinnslu (C:10.2), þar sem útgerðarfyrirtæki sem stunda bæði fiskveiðar og fiskvinnslu flokkast ýmist í aðalatvinnugrein fiskveiðar (A:03.1) eða fiskvinnslu (C:10.2). Flokkurinn Sjávarútvegur er einnig birtur eftir undirflokkum, þ.e. fiskveiðar (A:03.1), fiskeldi (A:03.2) og fiskvinnsla (C:10.2). Til að gefa nákvæmari mynd af því niðurbroti eru stór útgerðarfyrirtæki, um 30 lögaðilar sem eru með mjög háa veltu og að minnsta kosti fjórðungur starfsmanna þeirra starfar til sjós, meðhölduð þannig að launafólk þeirra sem er skráð til sjós samkvæmt gögnum um lögskráningardaga á sjó eru flokkaðir í atvinnugreinina fiskveiðar (A:03.1) en annars í fiskvinnslu (C:10.2).

Atvinnugreinahópur

Atvinnugreinar menningar taka mið af erlendri fyrirmynd (skilgreining Eurostat) og er samsett úr eftirfarandi atvinnugreinum ÍSAT2008: C:18 (prentun og fjölföldun upptekins efnis), C:32.12 (skartgripasmíði og skyld framleiðsla), C:32.20 (hljóðfærasmíði), G:47.61 (smásala á bókum í sérverslunum), G:47.62 (smásala á dagblöðum og ritföngum í sérverslunum), G:47.63 (smásala á tónlistar- og myndupptökum í sérverslunum), J:58.11 (bókaútgáfa), J:58.13 (dagblaðaútgáfa), J:58.14 (tímaritaútgáfa), J:58.21 (útgáfa tölvuleikja), J:59 (framleiðsla á kvikmyndum, myndböndum og sjónvarpsefni; hljóðupptaka og tónlistarútgáfa), J:60 (útvarps- og sjónvarpsútsending; dagskrárgerð), J:63.91 (starfsemi fréttastofa), M:71.11 (starfsemi arkitekta og skyld tæknileg ráðgjöf), M:74.10 (sérhæfð hönnun), M:74.20 (ljósmyndaþjónusta), M:74.30 (þýðingar- og túlkunarþjónusta), N:77.22 (leiga á myndböndum og -diskum) , P:85.52 (listnám), R:90 (skapandi listir og afþreying), R:91.01 (starfsemi bóka- og skjalasafna) R:91.02 (Starfsemi safna) og R:91.03 (rekstur sögulegra staða og bygginga og áþekkra ferðamannastaða).

Atvinnugreinahópur

Einkennandi greinar ferðaþjónustunnar taka mið af erlendri fyrirmynd (skilgreining Eurostat) og eru samsettar úr eftirfarandi atvinnugreinum ÍSAT2008: H:49.1 (farþegaflutningar með járnbrautalest), H:49.32 (rekstur leigubíla), H:49.39 (aðrir farþegaflutningar á landi), H:50.1 (millilanda- og strandsiglingar með farþega), H:50.3 (farþegaflutningar á skipgengum vatnaleiðum), H:51.1 (farþegaflutningar með flugi), H:52.23 (þjónustustarfsemitengd flutningi með flugi), I:55.1 (hótel og gistiheimili), I:55.2 (orlofsdvalarstaðir og annars konar gistiaðstaða), I:55.3 (tjaldsvæði, svæði fyrir húsbíla og hjólhýsi), I:56.1 (veitingastaðir), I:56.3 (krár, kaffihús og dansstaðir), N:77.1 (leiga á vélknúnum ökutækjum) og fjögurra stafa greinunum, N:77.21 (leiga á tómstunda- og íþróttavörum), N:79 (Ferðaskrifstofur, ferðaskipuleggjendur og önnur bókunarþjónusta) og S:96.04 (nuddstofur, sólbaðsstofur, gufuböð o.þ.h.)

Mánuður

2008M01

Tölur fyrir launasummu, leiðréttar 7. október 2024.

Eining

Upphæð

Upphæð staðgreiðsluskyldra launagreiðslna er í íslenskum krónum (milljónir króna) og á verðlagi hvers mánaðar. Þær innihalda einungis þær launagreiðslur til launafólks sem falla undir staðgreiðslu en það eru stærsti hluti launatekna vegna atvinnu sem greiddar eru mánaðarlega til launafólks. Um er að ræða hvers konar endurgjald fyrir vinnu, laun og aðrar starfstengdar greiðslur eins og ökutækjastyrkir, hlunnindi, desember- og orlofsuppbót, eingreiðslur, flutningspeningar, ferðapeningar, dagpeningar - aðrar en þær sem heimilt er að halda utan staðgreiðslu samkvæmt reglugerð þar um. Fjármagnstekjur eru ekki hluti talnaefnis né tekjur einyrkja með rekstur á eigin kennitölu sem greiða sjálfum sér reiknað endurgjald. Einnig launagreiðslur til einstaklinga sem eru ekki gefnar upp til skatts.

Fjöldi einstaklinga

Fjöldi einstaklinga sem fær greidd staðgreiðsluskyld laun er talning á hverjum þeim sem fær greidd staðgreiðsluskyld laun frá launagreiðanda. Í tilfelli launagreiðslna er ekki gerður greinamunur á því hvort viðkomandi sé í fullu starfi eða hlutastarfi og ekkert lágmarksviðmið er á launagreiðslum. Í einhverjum tilfellum getur launaupphæð verið mjög lág. Hver einstaklingur sem fær launagreiðslur telst einu sinni óháð launaupphæð. Athugið að birtar atvinnugreinar geta skarast og þar af leiðir að ef allir flokkar eru lagðir saman fæst ekki sama niðurstaða og heildartala. Þeir einstaklingar sem fá greidd laun hjá fleiri en einum launagreiðanda í ólíkum birtum atvinnugreinaflokkum teljast í báðum flokkum en heildartala (alls) telur hvern móttakanda launagreiðslu einungis einu sinni.

Fjöldi launagreiðenda

Fjöldi launagreiðenda sem greiða staðgreiðsluskyld laun eru allir aðilar sem skila sundurliðun launagreiðslna fyrir a.m.k. einn móttakanda launa til Skattsins. Talning launagreiðenda byggist á auðkenni lögaðila sem tengist kennitölu hans. Hver kennitala lögaðila telst því sem einn greiðandi. Athugið að birtar atvinnugreinar geta skarast og þar af leiðir að ef allir flokkar eru lagðir saman fæst ekki sama niðurstaða og heildartala. Heildartala (alls) telur hvern launagreiðanda einungis einu sinni.