Undirvísitölur neysluverðs, grunnur 2008=100

Grunnur janúar 2008=100.
Vísitalan miðast við verðlag í að minnsta kosti vikutíma í kringum miðjan mánuð. Í apríl 2020 voru Tilbúnir réttir keyptir í verslunum færðir í flokk 0119 Aðrar matvörur, til samræmis við ecoicop og coicop 2018. Liðurinn var áður flokkaður með 11113 Skyndibiti og tilb. réttir. Í mars 2020 var vog þess hluta sem var færður 36 af 10.000.
Lokanir og takmörkun á þjónustu vegna Covid 19 faraldursins settu mark sitt á verðmælingar árið 2020 og fyrri hluta ársins 2021. Áhrif þessa á vísitölu neysluverðs voru, að þar sem verðmæling fékkst ekki vegna takmarkana var verðmæling fyrri mánaðar notuð til verðmats í mánuðinum. Mest voru áhrifin á liði sem veita ferðaþjónustu eins og 07332 flugfargjöld til útlanda og 096 pakkaferðir, en einnig þjónustuliði sem kalla á samgang fólks, svo sem 1211 Hársnyrting, snyrting o.fl. Í stað þess að taka inn verðbreytingar á '044 Annað vegna húsnæðis' í janúar 2024 þá var það gert í febrúar þegar fyrsta greiðsla skv. nýjum gjaldskrám fer yfirleitt fram. Undir þennan lið fellur sorphreinsun, holræsi og kalt vatn.

Mánuður

2020M04

Í apríl 2020 voru mörg fyrirtæki lokuð eða þjónusta ekki í boði vegna takmörkunar á samkomum vegna COVID-19 veirunnar. Verðmæling fyrri mánaðar var þá notuð til verðmats í mánuðinum. Þetta á við um flokka 07332 Flugfargjöld til útlanda, 096 Pakkaferðir, 1211 Hársnyrting, snyrting o.fl., og nokkra undirflokka í 062 Heilbrigðisþjónusta (t.d. tannlæknar og sjúkraþjálfun). Í eftirfarandi flokkum var nær allt lokað 0941 Íþróttir og tómstundir, 0942 Menningarmál. Að auki lokaði hluti veitinga- og kaffihúsa. Verði á fatnaði og skóm var safnað á netinu og með símtölum.

2022M06

Hækkun á flugfargjöldum til útlanda (07332) í júní 2022 var vanmetin en leiðrétt við næstu mælingu.

2022M07

Hækkun á flugfargjöldum til útlanda (07332) í júlí 2022 er komin til vegna verðhækkunar í þeim mánuði (0,43% áhrif), en einnig vegna vanmats á verðlagsáhrifum við mælingu í júní 2022 (0,29% áhrif).

Undirvísitala

042 Reiknuð húsaleiga

Frá júní 2024 var tekin upp aðferð húsaleiguígilda fyrir reiknaða húsaleigu.

06212 Þjónusta sérfræðilækna

Frá september 2023 er þessi liður metinn út frá 12 mánaða meðal einingarverði sem einstaklingar greiða.

Mánuður: 2016M09 , Undirvísitala: 042 Reiknuð húsaleiga

Hækkunin á reiknaðri húsaleigu er að hluta til komin vegna leiðréttingar. Í mars 2016 hækkaði reiknuð húsaleiga um 0,01%. Þá voru gerð mistök sem ollu því að megin verðbreytingin milli febrúar og mars var ekki tekin með í niðurstöðurnar fyrr en í apríl 2016. Þannig fór inn eins mánaðar tímatöf í útreikning reiknaðrar húsaleigu. Tímatöfin uppgötvaðist í september og er leiðrétt með því að taka tveggja mánaða verðbreytingu inn í niðurstöður september. Raunhækkun liðarins milli ágúst og september er 1,5% en hækkun um 1,8% er verðbreyting á milli júlí og ágúst.

Mánuður: 2018M10 , Undirvísitala: 07248 Veggjöld

Veggjöld voru ekki innheimt á Íslandi á tímabilinu október 2018-desember 2018.

Mánuður: 2020M05 , Undirvísitala: 1244 Bílatryggingar

Bílatryggingar lækkuðu í maí 2020 vegna þess að hluti tryggingafélaga ákvað að endurgreiða viðskiptavinum sínum til baka hluta ársiðgjalda.

Mánuður: 2023M10 , Undirvísitala: 0811 Póstur

Meirihluti hækkunar er vegna leiðréttingar.

Mánuður: 2024M01 , Undirvísitala: 0711 Bílar

Afnám VSK ívilnunar á rafbílum hafði áhrif til hækkunar en rafbílastyrkir Orkusjóðs til lækkunar.