Mannfjöldi í einstökum byggðakjörnum og strjálbýli eftir landsvæðum ár hvert 1889-1990

Tafla þessi á að sýna mannfjöldann á hverju ári 1889-1990 eftir skiptingu landsins í landsvæði, sýslur (í merkingunni héruð) og byggðarkjarna eins og
þeirri skiptingu var háttað árið 1990. Í nokkrum tilvikum er ekki hægt að miða við alveg sömu mörk milli kaupstaða og sýslna allt tímabilið vegna lítils háttar breytinga á umdæmaskiptingu. Yfirleitt kemur það ekki að sök því að oftast hefur t.d. land sem er lagt til kaupstaðar úr nærliggjandi sýslu verið miklu fámennara fyrir breytinguna en síðar verður.

Byggðarkjarni

Krísuvík

Árið 1936 var Krísuvík skilin frá Grindavíkurhreppi og lögð til Hafnarfjarðar.
Íbúar í Krísuvík 1911-35 eru hér taldir til Hafnarfjarðarsvæðis öll árin.

Reykjavík

Árið 1943 breyttust mörk Reykjavíkur og Mosfellshrepps, er land úr Mosfellshreppi var lagt til Reykjavíkur. Ekki er unnt að breyta eldri tölum til samræmis við ný mörk.

Kópavogur

Seltjarnarneshreppi var skipt árið 1948 og Kópavogshreppur stofnaður úr hluta hans. Mannfjöldaskýrslur frá því fyrir 1948 sýna ekki tölur fyrir hvorn hluta Seltjarneshrepps, en í töflunni er miðað við að mannfjöldi í Kópavogi hafi verið 200 árið 1940 og árlegri fjölgun í Seltjarnarneshreppi síðan skipt í sömu hlutföllum og fjölgunin í hvorum hluta 1940-48 reiknast samkvæmt því. Eldri tölum er ekki unnt að skipta og eru þá tölur Kópavogs innifaldar í tölum Seltjarnarness.

Seltjarnarnes

Seltjarnarneshreppi var skipt árið 1948 og Kópavogshreppur stofnaður úr hluta hans. Mannfjöldaskýrslur frá því fyrir 1948 sýna ekki tölur fyrir hvorn hluta Seltjarneshrepps, en í töflunni er miðað við að mannfjöldi í Kópavogi hafi verið 200 árið 1940 og árlegri fjölgun í Seltjarnarneshreppi síðan skipt í sömu hlutföllum og fjölgunin í hvorum hluta 1940-48 reiknast samkvæmt því. Eldri tölum er ekki unnt að skipta og eru þá tölur Kópavogs innifaldar í tölum Seltjarnarness.

Viðey

Viðey var fyrrum í Seltjarnarneshreppi, en var lögð til Reykjavíkur árið 1978. Byggð lagðist af þar um 1950.

Garður, Gerðahr.

Árið 1966 breyttust mörk Keflavíkur og Gullbringusýslu, er Berg í Gerðahreppi var lagt til Keflavíkur. Íbúar þar eru frá og með 1961 taldir til Keflavíkur, en fyrir þann tíma er ekki unnt að að gera
það.

Keflavík

Árið 1966 breyttust mörk Keflavíkur og Gullbringusýslu, er Berg í Gerðahreppi var lagt til Keflavíkur. Íbúar þar eru frá og með 1961 taldir til Keflavíkur, en fyrir þann tíma er ekki unnt að að gera
það.

Akranes

Árið 1964 breyttust mörk Akraness og Borgarfjarðarsýslu, er hluti Innri-Akranes-hrepps var lagður til Akraness. Ekki er unnt að breyta eldri tölum til samræmis við núverandi mörk.

Dalvík

Tölur Dalvíkur eru áætlaðar að hluta fram til ársins 1945. Dalvíkurhreppur var stofnaður árið 1946 og náði yfir talsvert meira land en hafði talist til kauptúnsins fram að því. Er því byggt á íbúatölu Upsasóknar, sem er öll innan marka sveitar-félagsins, og bætt við hana áætluðum hluta Dalvíkur í íbúatölu
Vallasóknar, sú tala er lág og tiltæk fyrir árið 1946.

Akureyrarþéttbýli

Árið 1955 breyttust mörk Akureyrar og Eyjafjarðarsýslu, er Glerárþorp og 13 jarðir í Glæsibæjarhreppi voru lagðar til Akureyrar. Íbúar í Glerárþorpi eru hér taldir til Akureyrarþéttbýlis öll árin en ekki íbúar á jörðunum.

Seyðisfjörður

Seyðisfjörður 1981-89: Meðtalinn er Seyðisfjarðarhreppur en hann var formlega lagður undir Seyðisfjörð árið 1990.

Eskifjörður

Eskifjörður 1981-87: Meðtalinn er Helgustaðahreppur en hann var formlega lagður undir Eskifjörð árið 1988.

Selfoss

Tölur Selfoss eru áætlaðar að hluta til árin 1936-45. Selfosshreppur var stofnaður árið 1946 og náði yfir talsvert meira land en hafði talist til kauptúnsins fram að því. Við tölur staðarins 1936-45 sem taka til þess hluta hans sem var þá í Sandvíkurhreppi er bætt áætluðum íbúafjölda í Ölfushrepps- og Hraungerðishreppshluta hans. Þar er um lága tölu að ræða.