Vísitala heildarlaun eftir atvinnugrein og geira, ársmeðaltöl frá 2008

Bráðabirgðatölur.
Allar tölur eru bráðabirgðatölur sem eru endurskoðaðar ársfjórðungslega. Um er að ræða niðurstöður þróunarverkefnis sem Hagstofan hefur unnið að, þar sem útreikningar byggja á hagnýtingu fjölbreyttra gagna. Heildarlaun er staðgreiðsluskyld laun samkvæmt stjórnsýslugögnum. Greiddar stundir eru fengnar með fjölþættu tölfræðilegu mati og byggja meðal annars á gögnum úr rannsóknum Hagstofunnar, einkum launarannsókn, en einnig á stjórnsýslugögnum. Ármeðaltal vísitölu heildarlauna er meðaltal ársfjórðungslegrar vísitölu heildarlauna á hverju ári. Aðferðir taka mið af aðferðum Labour Cost Index samkvæmt reglugerð Evrópuþingsins og Ráðsins nr. 450/2003. Vísitala heildarlauna er sambærileg við launaþátt Labour Cost Index (WAG - wages and salaries) að því undanskildu að byggt er á greiddum stundum í stað unninna, auk þess sem greiðslur vegna veikinda eru hér taldar til launa í stað launatengdra gjalda (OTH - labour costs other than wages and salaries) í Labour Cost Index. Vísitala heildarlauna nær til allra sem fá greidd laun frá launagreiðendum sem hafa 10 eða fleiri launamenn nema þeirra sem starfa við fiskveiðar og landbúnað (A), atvinnurekstur innan heimilis til eigin nota (T) og starfsemi stofnana og félagasamtaka með úrlendisrétt (U). Grunnár vísitölu heildarlauna er meðaltal ársins 2020 og breytist grunnárið fjórða hvert ár til samræmis við aðferðir Labour Cost Index.

Atvinnugreinar/Launþegahópur

Atvinnugreinar:
Vísitala heildarlauna nær til allra sem fá greidd laun frá launagreiðendum sem hafa 10 eða fleiri launamenn nema þeirra sem starfa við fiskveiðar og landbúnað (A), atvinnurekstur innan heimilis til eigin nota (T) og starfsemi stofnana og félagasamtaka með úrlendisrétt (U). Vísitala heildarlauna nær til þessara atvinnugreina: framleiðsla (C), rafmagns-, gas- og hitaveitur (D), vatnsveita, fráveita, meðhöndlun úrgangs og afmengun (E), byggingarstarfsemi og mannvirkjagerð (F), heild- og smásöluverslun, viðgerðir á vélknúnum ökutækjum (G), flutningur og geymsla (H), rekstur gististaða og veitingarekstur (I), upplýsingar og fjarskipti (J), fjármála- og vátryggingastarfsemi (K), fasteignaviðskipti (L), sérfræðileg, vísindaleg og tæknileg starfsemi (M) og leigustarfsemi og ýmis sérhæfð þjónusta (N) . Atvinnugreinaflokkur OTS er samsettur úr atvinnugreinum opinber stjórnsýsla og varnarmál; almannatryggingar (O), fræðslustarfsemi (P), heilbrigðis- og félagsþjónusta (Q), menningar-, íþrótta- og tómstundastarfsemi (R) og félagasamtök og önnur þjónustustarfsemi (S).

Atvinnugreinar/Launþegahópur

Launþegahópar:
Starfsmenn á almennum vinnumarkaði (Alm) og opinberir starfsmenn (Opi). Stuðst er við evrópska þjóðhagsreikningastaðalinn ESA 2010 við ákvörðun um skiptingu vinnumarkaðarins í almennan vinnumarkað og opinbera starfsmenn. Opinberir starfsmenn teljast þeir sem vinna hjá hinu opinbera (S.13). Til hins opinbera telst rekstur ríkis og sveitarfélaga sem er undir stjórn þeirra og er rekinn að meiri hluta fyrir skatttekjur. Aðrir teljast þá til almenns vinnumarkaðar, þar með talið fyrirtæki í eigu opinberra aðila sem rekin eru að meiri hluta fyrir tekjur af sölu á vöru eða þjónustu.

Eining

Ársmeðaltal

Heildarlaun
Heildarlaun eru samtala allra staðgreiðsluskyldra launa einstaklinga fengin úr staðgreiðslugögnum. Staðgreiðslugögn byggja á upplýsingum frá ríkisskattstjóra um uppgjör vegna staðgreiðslu af launum og/eða reiknuðu endurgjaldi, samkvæmt lögum um staðgreiðslu opinberra gjalda nr. 45/1987. Uppgjörið hefur verið auðgað með öðrum upplýsingum svo hægt sé að nýta það til hagskýrslugerðar, til að mynda til að geta aðgreint staðgreiðsluskyldar launagreiðslur frá öðrum staðgreiðsluskyldum greiðslum.

Ársmeðaltal

Greiddar stundir
Heildarfjöldi greiddra stunda er samtala allra vinnustunda svo sem stundir í dagvinnu, vaktavinnu, eftirvinnu, uppmælingum, yfirvinnu og veikindastundir.
Greiddar stundir eru vinnustundir fengnar með fjölþættu tölfræðilegu mati, byggt á ýmsum rannsóknum Hagstofunnar, einkum launarannsóknar. Forsendur, það er að segja breyturnar í tölfræðilíkönum, stök í matslíkönum og stök fyrir reglur, sem liggja að baki í matsferlið koma úr rannsóknum Hagstofunnar og ýmsum stjórnsýslugögnum.

Ár: 2023

Í maí 2023 varð rof á gagnaskilum um lögskráningardaga sjómanna til Hagstofu. Lögskráningargögn eru meðal annars notuð til að lagfæra atvinnugreinaflokkun sjómanna sem starfa fyrir fyrirtæki sem hafa fiskvinnslu að aðalatvinnugrein en fiskveiðar að aukaatvinnugrein. Ráðstafanir voru gerðar til að draga úr áhrifum þessa en ætla má að engu að síður hafi einhverjir sjómenn sem að öllu jöfnu hefðu verið flokkaðir í atvinnugreinabálk A verið flokkaðar í atvinnugreinabálk C á 3. og 4. ársfjórðungi 2023. Þetta getur haft áhrif á vísitöluna sem verða leiðrétt þegar lögskráningargögn berast á ný.