Skýringar

Tímaraðir Vinnumarkaðsrannsóknarinnar frá árinu 2003 voru uppfærðar 10. mars 2021 með nýjum vogum og nýju mati á mannfjölda.Heildarfjöldi vinnustunda eru samanlagðar vinnustundir á viku í aðal- og aukastarfi hjá þeim sem voru við vinnu í viðmiðunarviku
rannsóknarinnar.
Starfandi teljast þeir sem unnu eina klukkustund eða lengur í viðmiðunarvikunni eða voru fjarverandi frá starfi sem þeir gegna að öllu jöfnu. Fólk í fæðingarorlofi telst vera fjarverandi frá vinnu hafi það farið í leyfi úr launuðu starfi jafnvel þótt það hafi ekki hug á að hverfa aftur til sama starfs.

Atvinnugrein: Atvinnustarfssemi þeirra fyrirtækja sem fólk starfar hjá eða starfaði síðast hjá eru flokkuð í samræmi við ÍSAT2008, sem byggð er á atvinnugreinaflokkun Evrópusambandsins, NACE Rev.2.

Landsvæði: Til höfuðborgarsvæðis teljast:Reykjavík, Seltjarnarnes, Kópavogur, Hafnarfjörður, Garðarbær, Mosfellsbær, Álftanes og Kjósahreppur Önnur sveitafélög teljast utan höfuðborgarsvæðis. Breytt flokkun á einkennandi greinum ferðaþjónustu. Flokkun rekstraraðila þar sem aðalstarfsemi er rekstur heilsulinda og jarðbaða hefur verið samræmd og eru þau fyrirtæki nú öll flokkuð í atvinnugrein 96.04.0 með nuddstofum, sólbaðsstofum, gufuböðum o.þ.h. Samhliða eru gerðar breytingar skilgreiningu einkennandi greina ferðaþjónustu til birtingar á Íslandi. Útgáfa tölfræði um einkennandi greinar ferðaþjónustu hefur fylgt skilgreiningu frá hagstofu Evróusambandsins, Eurostat. Ákveðnar atvinnugreinar á Íslandi sem byggja tekjur sínar nær eingöngu á ferðaþjónustu falla þó utan skilgreiningar Eurostat. Til að gefa sem besta mynd af þróun og umsvifum ferðaþjónustu hérlendis þá verður framvegis birt tölfræði um einkennandi greinar ferðaþjónustu á Íslandi sem nær einnig til atvinnugreina 52.23.0 – Þjónustustarfsemi tengt flutningi með flugi og 96.04.0 – Nuddstofur, sólbaðsstofur, gufuböð o.þ.h. Eftirfarandi atvinnugreinar samkvæmt Íslenskri atvinnugreinaflokkun, ÍSAT2008 falla undir einkennandi greinar ferðaþjónustu á Íslandi: